For consumers

For producers

For schools

For businesses

Publications

Strategy

Newyddion organig o Gymru a thu hwnt

Ffermwyr organig o Ganada yn ymweld â Chanolfan Organig Cymru ac IBERS

Y mis hwn, bydd Canolfan Organig Cymru ac IBERS Gogerddan yn croesawu 15 o gynhyrchwyr a chynghorwyr organig o Quebec yng Nghanada sydd â diddordeb mewn ffermio llaeth organig.

Mae’r Canadiaid, a ddaw o goleg hyfforddi sydd wedi hen ennill ei blwyf yn Victoriaville, Quebec, yn treulio ychydig o ddyddiau yng Nghymru ar ddiwedd eu pythefnos o daith i’r DU i ymweld â gwahanol fentrau, gan gynnwys Canolfan Organig Cymru. Dywedodd Sue Fowler, Cyfarwyddwr Canolfan Organig Cymru “Rydym yn edrych ymlaen at yr ymweliad ac yn gobeithio y byddwn yn gallu cynnig arolwg cynhwysfawr o’r gwaith ymchwil a wneir yn IBERS i’r ffermwyr hyn, yn ogystal â rhoi darlun o gynhyrchiad a chymorth organig yng Nghymru ar hyn o bryd.”

Gan eu bod hefyd â diddordeb mewn trosglwyddiad gwybodaeth, byddant hefyd yn ymweld â’r uned ymchwil bridio meillion yn IBERS Gogerddan ac yn cwrdd â Dr. Heather McCalman, Rheolwraig y Ganolfan Datblygu Tir glas i siarad am raglenni ymchwil cnydau âr a phridd cyfranogol sy’n ymwneud â ffermwyr.

Stori gynt: Holiadur Twristiaeth
Stori nesaf: Llyfryn newydd: Cynhyrchu dofednod organig ar gyfer cig

Mwy o newyddion