Gwybodaeth am y farchnad ffrwythau a llysiau - Organic Centre Wales

Diweddariad gan Ben Pratt, Organic Fresh Food Company, Mai 2013

Mae cwpwl o ddyddiau o dywydd cynnes wir wedi gwthio pethau yn eu blaenau. Mae mefus cynta’r flwyddyn wedi cyrraedd, bydd y ffa cyntaf yn barod o fewn wythnos wrth i’r holl gnydau twnnel eraill ddal i lamu yn eu blaenau. Mae’r tatws cyntaf yn cael eu codi yng Nghernyw gydag ychydig wythnosau i fynd o hyd yn Sir Benfro – gyda stoc mewn stôr bron â bod wedi darfod yn llwyr, bydd y prisiau a’r galw’n uchel. Mae asbaragws wedi dechrau o ddifri – cyfyng fu’r cyflenwad o’r Gororau ac mae ychydig o dywydd anodd tua diwedd y mis wedi eu bwrw’n ôl ychydig.

Dros y flwyddyn ddiwethaf, bu’r rhan fwyaf o’r sôn am dwf lleoliaeth a’r ffordd mae wedi disodli organig o ran dewis llawer o gwsmeriaid. Wrth gwrdd â nifer o gwsmeriaid newydd yn ystod y mis hwn, rydym wedi gweld symudiad bach. Er bod lleol yn bwysig iawn o hyd, mae organig bellach wedi’i glystyru â’r deietau “heb hwn a’r llall” niferus – h.y. heb glwten, heb wenith, heb gynnyrch godro – ac mae yna alw cynyddol amdano o fewn y sector hwnnw. Mae’r twf hwn yn dal i gadw nwyddau organig yn y farchnad arbenigol, ond o leiaf, mae’r rhwyd yn cael ei fwrw ychydig yn ehangach.

Tatws Newydd	150c y kg
Sbigoglys	90c y kg
Dail betys	90c y kg
Pac Choi	£1.00 y kg
Letys	75y kg
Nionod	80c y kg
Blodfresych	£1.00 y kg

Diweddariad gan Ben Pratt, Organic Fresh Food Company, Mai 2013

Useful resources